Connect with us

Beauty

தொடையில் உள்ள அதிகப்படியான தசையை குறைக்க விரும்புபவர்களுக்கு!

உடல் எடை அதிகரிப்பு தான் இன்றைக்கு பலரது தலையாய பிரச்சனையாக இருக்கிறது. பெண்களுக்கு இடுப்பு மற்றும் தசைப்படுதிகளிலும் ஆண்களுக்கு வயிற்றுப் பகுதிகளிலும் தான் அதிகப்படியான தசை சேர்ந்திடும். தொடர்ந்து நீங்கள் அதிகப்படியான கலோரி எடுக்கும் பட்சத்தில் அவை உடல் முழுவதும் சேர்ந்திடும். நாளடைவில் இடுப்புப் பகுதி மட்டும் பெரிதாவதற்கு அதுவே காரணமாக அமைந்திடும்.

அதை கரைக்க வேண்டும் என்று சொன்னால் நீங்கள் தொடர்ந்து நிறைய மெனக்கடல்களை எடுக்க வேண்டும். உணவு விஷயத்தில் மட்டும் கவனம் செலுத்தினால் போதாது. அதைத் தவிர நீங்கள் வேறு எதில் எல்லாம் கவனம் செலுத்த வேண்டும் என்பதை பார்த்திடுங்கள். இந்தக் கட்டுரையில் தொடை, மற்றும் இடுப்புப் பகுதி ஆகியவற்றை குறைக்க நீங்கள் என்னென்ன செய்யவேண்டும். எதையெல்லாம் தவிர்க்க வேண்டும் ஆகிய அடிப்படை தகவல்களை இதில் கொடுத்திருக்கிறோம் படித்து பயன்பெற்றிடுங்கள்.

உடல் எடையை குறைக்க வேண்டும். குறிப்பாக குறிப்பிட்ட இடத்தில் இருக்கும் தசையை மட்டும் குறைக்க வேண்டும் என்று சொன்னால் நீங்கள் எடுத்துக் கொள்ள வேண்டிய உடற்பயிற்சிகள் மாறிடும். ஒரு முறை நீங்கள் சாப்பிட்டால் அந்த உணவு கொழுப்பாக மாறுகிறதா அல்லது எனர்ஜியாக மாறுகிறதா என்பது உங்களது நடவடிக்கைப் பொறுத்தே இருக்கிறது.

இந்தக் கட்டுரையில் குறிப்பாக உங்கள் தொடை தசைகள் மற்றும் இடுப்பப்பகுதி குறைக்க சில டிப்ஸ்கள் கொடுக்கப்போகிறோம். மேற்சொன்ன டிப்ஸுடன் சேர்த்து அடுத்து வரப்போகிற உடற்பயிற்சிகளை எடுத்துக் கொண்டால் நிச்சயம் நீங்கள் எதிர்ப்பார்த்த பலன் கிடைக்கும்.

இவை எளிதான உடற்பயிற்சி தான் என்பதால் நீங்கள் எளிதாக வீட்டிலேயே செய்திடலாம். ஒன்றிரண்டு நாட்களோ அல்லது ஒரு வாரம் மட்டும் செய்துவிட்டு உடல் எடை குறையவே இல்லை என்று சொல்லி விட்டு விடாதீர்கள். தொடர்ந்து செய்து வாருங்கள்.

கால்களில் வலி அல்லது நாட்பட்ட மருந்துகளை சாப்பிடுபவர்கள் மருத்துவ ஆலோசனை பெற்றிடுவது நலம்.

கார்டியோவஸ்குலர் பயிற்சி :

தொடையில் உள்ள சதையை குறைக்க கார்டியோவஸ்குலர் பயிற்சி என்பது மிகவும் சிறந்ததாகும். இது தொடை தசையைத் தவிர முழு உடலை குறைக்கவும் பயன்தரும். இதற்கு ஒரு நாளைக்கு அரைமணி நேரம் செலவழித்தாலே போதும். தொடர்ந்து செய்து வர உடலில் கீழ்பாகம் குறையும்.

ஜாக்கிங் :

இது மிகவும் எளிமையான ஒன்று. இந்த பயிற்சியை தொடர்வதால் தசையை குறைக்க உதவுவதுடன் தொடை ஷேப் பெறவும் பயன்படுகிறது. ட்ரட்மில்லில் ஜாக்கிங் பயிற்சியை மேற்கொள்வதை விட சமமான தளத்தில் வெளியில் ஓட்டப்பயிற்சியை மேற்கொள்ளுங்கள். இது உங்கள் மூச்சினையும் சீர் செய்யும்.

ஸ்குவாட்ஸ் :

தசைகளை குறைக்க, மற்றும் ஃபிட்டாக வைத்துக் கொள்ள ஸ்குவாட்ஸ் பயிற்சி செய்திடலாம். சேர், ஸ்டெப் போன்ற பயிற்சியை நீங்கள் எடுத்துக் கொள்ளலாம். இவை தொடையில் உள்ள தசையை குறைக்க உதவுவதுடன் கால்களுக்கு வலுவூட்டவும் செய்திடும். ஆக கொழுப்பை கரைக்க வெறுமனே உணவினை மட்டும் குறைத்தால் போதாது. சத்தான ஆகாரங்கள் அதே நேரத்தில் சரியான உடற்பயிற்சி மேற்கொள்வது அவசியமானதாகும்.

ஏரோபிக் உடற்பயிற்சி :

ஏரோபிக்ஸ் கால்களுக்கு மட்டுமல்ல முழு உடலுக்கு நல்லதாகும். முழு உடலுக்கு கொழுப்பை குறைக்க உதவிடும். இதுவும் கால்களுக்கு வலுவூட்டும் என்பதால் தொடை தசை குறைந்திடும். நடைபயிற்சி மேற்கொள்வது, படிகள் ஏறிச்செல்ல லிஃப்ட் பயன்படுத்தாமல் இருப்பது, நடனம் ஆகியவை இவற்றில் சேர்ந்திடும். இந்த பயிற்சியை குறைந்தது ஒரு நாளைக்கு 45 நிமிடங்களாவது நீங்கள் எடுத்துக் கொள்ள வேண்டும்.


ரெஸிஸ்டன்ஸ் ட்ரைனிங் :

தொடையில் உள்ள தசையை குறைக்க, காலை வலுவூட்ட முக்கியமான உடற்பயிற்சி இதுவாகும். தசையை வலுவாக்குவதால் தொடைப்பகுதியில் இருக்கிற அதிகப்படியான தசை குறைந்திடும். இவை உரிய பயிற்சியாளர் உதவியுடன் செய்வது சிறந்தது.

நீச்சல் :

அதிகப்படியான எனர்ஜியை கரைக்க உதவிடுகிற ஓர் பயிற்சி. உடலில் அனைத்து பாகங்களுக்கும் ஒரே நேரத்தில் வேலை கொடுக்கும். இது உங்கள் மூச்சினை சீராக்கும். அதைத் தவிர தொடைகளில் உள்ள அதிகப்படியான தசையை குறைக்க உதவிடும். நீச்சல் தவிர அக்வா ஜும்பா போன்ற தண்ணீரில் செய்யக்கூடிய உடற்பயிற்சிகள் நீங்கள் மேற்கொள்ளலாம்.

லெக் கிக் :

தொடையின் தசையை குறைக்க இது மிகவும் எளிமையான பயிற்சி ஆகும். ஒரு சேரின் பின்புறம் நின்று கொள்ளுங்கள். அந்த சேரை சப்போர்டிவாக பிடித்துக் கொண்டு முதலில் எவ்வளவு தூரம் காலை பின்னோக்கி தூக்க முடியுமோ தூக்க வேண்டும். மெதுவாக தூக்கக்கூடாது. பின்னால் வேகமாக எத்த வேண்டும். இதே போல அடுத்தக்கால் இப்படியே மாறி மாறி செய்திட வேண்டும்.

குறைந்தது 20 முறை இப்படிச் செய்திடலாம்.

Click to comment

Leave a Reply

Your email address will not be published. Required fields are marked *